أسامي البناات [الأرشيف] - منتديات

مشاهدة النسخة كاملة : أسامي البناات

Girl_Q8

22-10-2009, 09:18 AM

السلام عليكم

شلونكم شخبااركم عسااكم بخير يارب

http://i211.photobucket.com/albums/bb212/joneseye2/New-Baby-Girl-Mylar-Balloons-Bouque.jpg

بس بتكلم عن شغله اعتقد الكل ملاحظها هالايام والي اهيه اسامي هالبنات

طلعوا بأسامي يديده غريبه عجيبه كل وحده تطلع لي بإسم

ومن الاسامي الي طالعه

نمار

لمار

رزان

غزل

إرم

عشق

وغيرها وااااااايد

واعرف وحده امسميه بنتها لين يعني هذا اسم وحده كويتيه http://www.kuwait25.net/vb/images/smilies/25%20(5).jpg

استغرب اشلون وين الزوج عن هالاسامي واشلون يرضى ولا موضه صايره هالاسامي ؟؟؟

ASHITA NO JOE

22-10-2009, 09:37 AM

اي والله اسامي ما ادري من وين

حتى فيه ناس يسمون

قصايد

خواطر

ظلمه ..وسبحان الله هذي البنت اخذت من اسمها ..ما اتشوف زين

معاني

ههههههههههه..والله ناس فاضيه

شكرا بنت الكويت
وسلام

Girl_Q8

22-10-2009, 02:10 PM

اشكر مرورج نورتي

Axel

22-10-2009, 10:30 PM

السلام عليكم

شكراً جيرو على الموضوع ^^

بالنسبة لي أشوفها شي عادي :هييه:>>> كف :اسكت:

أختي الصغيرة اسمها يشبه هذي الأسماء :rolleyes: عادي مافيها شي :لسان2:

أهلي كانوا بغيروا اسمها :نص عين: بس أنا سويت حرب معاهم ما خليتهم يغيروه :يؤ:

هذه وجهة نظري .. أعرف إنها خطأ :لسان2:

تقبلي مروري ^^ تحياتي ^^

جآنآ

ديبودا

23-10-2009, 07:17 AM

ليش زعلانه يا بنت على هالاسامي ..

مو احسن من حصه ورقيه وسبيجه ومضاوي

عموما

بالنسبه للاسماء اللي قلتيهم .. ما لفت نظري غير اسم واحد .. وهو غزل :)

بالاخير .. طالما الاسم عاجب الام والابو ( والزوج مستقبلا غصبا عليه ) >>>>>>>>> طالما اقتنع بالبنت وحبها .. فاكيد بيحب كل شي فيها ..

فما ظن في مشكله ابدا .. وخلي العالم تسمي براحتها ليش زعلانه ..

انتي لما تييج بنت سميها عفره .. ومحد له شي عندج ^^

Vampire Orepedos

23-10-2009, 10:51 AM

مرحبااا بنت الكويت
مممم بصراحة انا شايفة الاسماء عادية جدا
ههه مااعرف اذا تجين وتشوفين الاسماء الي عندنا ببلدنا شنو بيصير بيك
لانها اكثر من هذه ويمكن اغرب بعد
بالمناسبة اسم لين اسم منتشر كثير عندنا
اسم خواطر ايضا ... وغزل لوول
ماشاء الله البنات كثيرات
لهذا لازم الاسماء تكون متنوعة
وقبل ايام صديقتي اسمت بنتها ليـــن وكلنا عاجبنا هالاسم
واسماء ريما وريتا وداليا وديما وايضا اسماء مثل سالي كلنا نحبها >> ومنهم انا
ياربي مايكون اسمي من الاسماء الي لو تعرفيها ماتعجبك ><

(عجبني رد مديري ديبودا ^^ )

على العموم اتصور هي مسألة اذواق
يعني يمكن الي يعجبنا مايعجب غيرنا والعكس صحيح
بس اهم شيء انه الطفل من يكبر يكون حابب اسمه ^.^
مشكورة كثير وتحياتي لك

Rok!!

23-10-2009, 11:42 AM

هااي بنت الكويت

والله انا اشوف انها عااديه وحلوو التغير..

من الاسامي القديمه

مع التحيه **

Girl_Q8

23-10-2009, 03:17 PM

اشكر مروركم الاختلاف لا يفسد للود قضيه

ديبودا اول شي قولي معنى الاسم علشان اعرفه

في اسامي تصلح فقط عندما تكون البنت صغيره فمثلا باجر بنادي يدتي غزل ولا لمار ولا رزان كلش مو لايق
فالواحد يختار حق ابناءه الاسماء التي تناسبها صغيره و كبيره
الاسماء القديمه عندي افضل من الي نشوفها اليوم لها معنىىى
وشكرا للمرور

Captain Jack Sparrow

23-10-2009, 03:50 PM

طالما الأسماء ليست قبيحة بالمعنى فلا مانع من تسميتها .. اعتقد جيل الأسماء الجديده اختلف عن الماضي

هناك اسماء نهى عنها الرسول عليه الصلاة والسلام .. مثل جهنم وعذاب وغيرها

مع العلم ان هناك بعض الناس من يسمّي ابناءه بهذه التسميات .. حقيقةً استغرب ذلك

وبالنسبة لـ جدتكِ .. فلا اعتقد انكِ ستناينها باسمها .. قوليلها >> يدتي اديده لوووووووول

Girl_Q8

23-10-2009, 03:58 PM

ديبودا

23-10-2009, 07:43 PM

اشكر مروركم الاختلاف لا يفسد للود قضيه

ابسلوتلي ^^

ديبودا اول شي قولي معنى الاسم علشان اعرفه

اي اسم ؟ عفره ؟

ولا مادري بصراحه بس احس انه واحد ماخذ بنت البر .. والغبار والتراب غطاها.. قام سماها عفره لوول

عموما انا كان هدفي هو انك حره .. تسمين بنتك اي شي .. حتى لو تبين تسمينها مصطفى .. انتي حره محد له شي عندك ^^

في اسامي تصلح فقط عندما تكون البنت صغيره فمثلا باجر بنادي يدتي غزل ولا لمار ولا رزان كلش مو لايق
فالواحد يختار حق ابناءه الاسماء التي تناسبها صغيره و كبيره

انا هني اختلف معاج ..

تدرين ان في واحد في العايله عندنا .. اسمه عادل .. راح غير اسمه الى احمد ..

تتوقعين ليش ؟

قال يعني بعد 20 سنه .. العيال بينادوني جدو عادل .. مو حلوه .. تخيلي :)

انا ما اشوف الاسم له علاقه بالعمر ابدا .. يعني كبر خلاص . لازم عصايا وشعر ابيض ونظارات وما يشوف ونناديه جدو ( اي اسم قديم ) .. مو ناقص الا نقوله ابو طالب

جده امي كان اسمها لولوه ( يعني لؤلؤه ) وانا شايف هالاسم في وقتهم = الاسامي الدلع اللي ذكرتيها..

جدتي اسمها منيره .. بس احنا بالبيت عمرنا محد ناداها بهالاسم .. لاننا نطلق عليها اسم دلع .. وهي مستانسه مسكينه بهالاسم وفرحانه ..

خلي العالم تستانس يا بنت .. وبعدين الانسان هو اللي يحدد اسمه مو العكس ..

انا عمري ما ربطت اسم حليمه بالجمال.. لاني دايما ما كنت انظر لهذا الاسم بوقار على اساس انه اسم مرضعه النبي عليه الصلاه والسلام .. بس الله يخلي حليمه بولند اللي غيرت الفكره هههههههههه

الشخص هو اللي يغير فكرتنا عن الاسم .. مو العكس .. جده رنا .. وكلها وقار واحترام وتحب احفادها .. شفيها يعني :)

ولا عشان احنا متعودين على الاسماء القديمه .. زينب وعايشه وخديجه وخوله ومريم ... ( لكل وقت اذانه .. ولكل جيل تغييراته اللي يضيفها .. وانا اقوله يضيفها .. ما قلت يحل محلها ^^ )

بالمناسبه ..

انا معاج في نقطه مهمه ..

الاسماء القديمه عندي افضل من الي نشوفها اليوم لها معنىىى
وشكرا للمرور

وهي اني مع ان الاسم يكون له معنى .. خصوصا الاسماء القديمه الحلوه .. لان الجديده اغلبها يفتقر للمعنى . او المعنى يكون ركيك او كلام فاضي ..

لان هالشي لمسته في حواري مع اكثر من شخص اجنبي .. لما اساله عن معنى اسمه .. يقولي جون , لويزا , ماكس ... الخ

ولما اقوله يعني شنو . هو نفسه يستغرب .. يقولي اسمي .. اقوله المعنى ؟؟

يقولي ماله معنى . هو اسم .. واذا كان مثقف شوي .. قالي هذا اسم ملك قديم ولا شخص مشهور ..

انزين يا ابن الحلال .. وشنو معنى اسم هالشخص القديم .. يقعد يتنح .. :استفهام:

لذلك .. انا مع ان الاسم يكون له معنى .. بس بنفس الوقت .. ماني ضد الاسماء الجديده .. ^^

واسف على الاطاله

Girl_Q8

25-10-2009, 08:47 AM

اشكرك ديبودا على التعبير عن وجهك نظرك لكل شخص وجهه نظر مقتنع فيها
المهم ان يحسن اختيار الاسم واسف على الاطاله
سامحتك :)

ديبودا

25-10-2009, 02:14 PM

سامحتك :)

:نص عين:

Nona

27-10-2009, 11:31 AM

مرحبا اختي^^

ممم انا اشوف شي عادي كل واحد يختار الأسم الي يعجبه او يرتاح له طالما انه مقبول ومش محرم^^

بس على قولتك

الي لها معنى تكون اجمل :خجل:

تسلمي عالموضوع^^

Girl_Q8

27-10-2009, 11:34 AM

اشكر مرورج